Агуу програм хангамжууд

Шинэхэн програм зохиогч байхдаа даяар дурсагдсан агуу програм хангамж зохиохсон гэж мөрөөдөж, анхны шуурган вирус(Internet worm-1988) зохиосон Морист атаархдаг байлаа. Гэвч та миний нэрийг интернэтээс хайгаад олохгүй л болов уу? Дэврэнгүй мөрөөдөлдөө хүрч чадаагүй ч мэргэжилдээ дуртай хэвээрээ үлдсэн юм. Ингээд гол сэдэв рүүгээ оръё. Хүмүүс програм бичиж эхэлснээс хойш хийгдсэн хамгийн агуу програмуудыг нэрлэ гэвэл та юу гэх сэн бол? Энд бичсэнээр бол хамгийн агуу програм хангамжыг таны бодож байгаачлан Unix гэжээ, би ч гэсэн тэгэж бодож байна. Та эсвэл санал нийлэхгүй байна уу, тэгвэл таны саналыг сонсмоор байна. Энд бичсэнээр бол:

  • Apollo хөлгийг саран дээр буулгасан удирдлагын систэм. Хэдхэн килобайт санах ойтой өнө эртний систем дээр хийгдсэн програм, гайхамшигтай! Одооны хэдэн зуун мега санах ойтой систем дээр ажилладаг гэр цэвэрлэдэг роботын програм бол хажууд нь юу ч биш байгаа биз дээ.
  • Mosaic вэб браузер. Мэдээллийн технологийн түүхэнд одоогоор цорын ганц хувьсгал хийгдсэн ба түүнийг нь броузер гэж үздэг. Маргах юм алга.
  • IBM Deep Blue. Гари Каспаровыг хождог шатрын програм. Хүмүүсийн зохиосон хиймэл оюун хүмүүсийг дийлжээ. Гэхдээ програмын ард хүн байгаад байна гэж Каспаров мэдсэн байгаа. Үнэхээр тоглолт болгоны хооронд IBM ийн инженерүүд Каспаровын тоглолтын хэлбэрт тааруулж програмаа өөрчлөөд байсан гэдэг. Тэгэхээр хиймэл оюун хүнийг дийлэх арай л болоогүй бололтой.
  • Google хайлтын систем. Энэ систем үнэхээр гайхалтай. Би хайлтын системгүйгээр интернэтийг зүгээр л асар том шуудайд чихсэн хэрэгтэй хэрэггүй зүйлс гэж төсөөлнө. Энэ системийг авч явж байгаа гол зүйл нь мэдээлэлд зэрэглэл тогтоох бүтэц нь юм. Оновчтой хайлт хийж чадвал хүссэн мэдээллээ шууд л олдог шүү дээ.

За тэгээд цаашаа MS Excel, Анхны олонлогт тулгуурласан өгөгдлийн сангийн програм гээд зөндөө л зүйл байна. Харин 2005 оны шилдэг програм хангамжуудын жагсаалтыг Mozilla Firefox, Google Gmail хоёр тэргүүлжээ. Энэ хоёрыг тэргүүлсэнд гайхах юм алгаа, би аль алиныг нь өдөр тутам хэрэглэдэг.

Монголоос маань нэрлэчих юм үнэхээр алга даа, гунигтай л байна. Сайн сайн монгол програмууд хийгдэж нэрээ дуурсгасан хөгжүүлэгчид олноор төрөх болтугай гэж ерөөе.

Холбоос: